_edited.png)
Jungleman: 香港最多人誤解既一點，就係以為大戶無所不能，或者以為大戶必然和你對著幹。誠然，如果你既日精係炒一啲scam到無倫既仙股/妖幣，背後既大莊玩法都離不開拉高散貨，而且毫無癥兆；但換個角度睇，一啲升左十幾廿年既「優質股」，例如蘋果公司，佢地之所以會升，往往係因為得到法人機構（例如基金）既加持。而事上，呢啲所謂既大戶（或者主動型基金），佢地既表現甚至乎比被動型基金嚟得差。根據統計，如果你係2005年買左10隻主動型基金並長線持有15年，只有2隻能夠跑贏指數基金（所以畢菲特奉勸投資初哥買指數基金做長線投資），而呢啲股票因為市值大，受到人為操縱既機會因而很低（gamma exposure唔會引起特別既flow of fund，促使價格快速回復正常），就算有都只會係一啲短期內既影響，唔會影響佢長期既走勢，因為促使一隻股票長期上升既，係價值，而唔係短期波動。而且，基金行業既競爭好大，表現稍微一差就會被市場淘汰，促成左唔少保守、跟風既基金管理者，所以，我地實在沒有必要去神化所謂「大戶」。作為散戶，靈活度高係我地既優勢，因為我地唔需要過度分散自己資金、唔需要考慮因為資金大而出現既滑價（Slippage）問題等等。
至於市場走勢能唔能夠被預測，我想從兩個角度去分析：第一個係預測既有效性，第二係預測既必要性。如果你有睇過《漫步華爾街》或類近既著作，會發現作者好強調一點：「過去走勢並不反映將來表現。」言下之意係，市場走勢好大機會係以隨機性質運行，而且現今股價已經有效地反映左一切因素，因此你係無可能憑信息差或任何趨勢分析獲利。現實係，呢本書出版既時間係1973年，而當下係2022年——學術界早已有翻天地復既改變。2012年既一篇論文《Time series momentum》爭論既就係，只要一個資產係過去12個月有好表現，佢將來都會有一定機會如此持續，反之亦然——因此，20世紀一個股市交易大師傑西李佛摩（Jessie Livermore）有句至理名言，就係永遠只有係股票升緊既時間先買入，且絕對不溝貨 （never average down）。後來，呢種交易方法被 動能（Momentum）交易者發揚光大，當中既表表者有Stan Weinstein、Mark Minervini (MM) 等等，Mark Minervini 5年表現更加已經高達 33554%、橫掃幾屆投資比賽冠軍。咁既表現絕非巧合。如果佢地靠既只係運氣，或者早已破產，我亦未聽過有人可以連續行運幾十年。除此之外，好多理論往往都係建基於我地唔識做止蝕呢個假設——但正如我所講，散戶最大既優勢係靈活。站錯邊就走、配合有效注碼控制，絕對可以大幅降低你既風險。所以，不論係嚟自價值投資界還是技術分析派既大師，都一定會叫你做好止蝕——呢個亦係股海生存既第一法則。
講到呢度我就想帶出另一點，就係要係投資領域取得成功，你從不需要靠做預測。每一日都有千百萬種你見唔到既資訊影響緊你想買隻股票，而你作為散戶更加冇可能將佢地全部分析，而且資訊去到你手上可能已經係第三四手資料。所以，跟消息炒股票既人無異於係飛蛾撲火。你要做既，係透過學習唔同投資派別內成功既人既玩法，發展出一套屬於你自己既投資策略。呢套投資策略要有兩個基本元素：一係勝算 (win rate)，二係盈虧比 (Risk to Reward Ratio)。你可以勝算低，但係盈虧比一定要高（也就是說，你可以只有40%勝率，但你每次落場必定要做到1比3的值搏率）——背後既原理只係中學數學：期望值。所以，市場能不能被預測從來都不是投資者該著眼的事——你該著眼的是你的策略是否有正期望值。至於點做先可以搵到一套高期望值既策略，又或者有咩現成既招式可以用，我地下回再講。
© 2022 by Jungleman Investment
小小宣傳：依家用我地 referral code 開設新戶可享最高 4450USDT 迎新優惠、期間手續費減免、以及我們專屬的不定期 IEO 空投 airdrop 活動：
Bybit https://partner.bybit.com/b/Dsir (referral code: 26833)
Gate.io https://www.gate.io/signup/10579525 (referral code: 10579525)
Bitget https://partner.bitget.com/bg/exfd63191667230582473 (referral code: exfd6319)